Fréttir: 2017

Breyting á umsóknarferli lána - 1.12.2017

Frá og með 1. desember mun Lífsverk taka við umsóknum um ný sjóðfélagalán og annast vinnslu þeirra en áður var umsóknarferlið í höndum Íslandsbanka. Er það von sjóðsins að þessi breyting verði til einföldunar  fyrir sjóðfélaga. Sérfræðingar sjóðsins svara fúslega fyrirspurnum um lán og lánamöguleika. Lesa meira

Vextir óverðtryggra lána lækka um áramót - 24.11.2017

Stjórn Lífsverks hefur ákveðið að frá og með næstu áramótum lækki vextir óverðtryggðra íbúðalána til sjóðfélaga úr 5,95% í 5,70%. Vextir þeirra sem þegar eru með óverðtryggð lán hjá sjóðnum lækka samsvarandi. Vextir eru ákvarðaðir til sex mánaða í senn og miðast breytingar við 1. janúar og 1.júlí. Vextir verðtryggðra lána Lífsverks eru 3,50% og verða óbreyttir áfram.

 

Lesa meira

Lífsverk fær aðild að PRI - 3.11.2017

Lífsverk hefur gerst aðili að reglum Sameinuðu þjóðanna um ábyrgar fjárfestingar (Principles for Responsible Investment – UN PRI). Með aðild sinni skuldbindur Lífsverk sig til að leggja áherslu á samfélagsleg og umhverfisleg sjónarmið við ákvarðanir um fjárfestingar, auk góðra stjórnarhátta þeirra fyrirtækja sem fjárfest er í. Aðild Lífsverks er liður í aukinni áherslu sjóðsins á þessi málefni, sem skipa sífellt mikilvægari sess í augum fjárfesta.

Lesa meira

Ráðuneytið synjar meðferð bótagreiðslunnar - 28.9.2017

Á aukaaðalfundi Lífsverks 22. júní sl. var samþykkt réttindaaukning til sjóðfélaga um 1,42% miðað við réttindi 1. september 2009 og samsvarandi eingreiðsla til þeirra sem fengið höfðu lífeyrisgreiðslur frá sjóðnum frá sama tíma. Um var að ræða tillögu stjórnar um breytingar á samþykktum, er laut að ráðstöfun bótagreiðslu frá VÍS vegna tiltekinna fjárfestinga á árinu 2008. 

Lesa meira

Góð ávöxtun á fyrri hluta ársins - 22.9.2017

Ávöxtun Lífsverks fyrstu 6 mánuði ársins 2017 var góð en á tímabilinu var hækkun á innlendum hlutabréfamarkaði auk þess sem vaxtalækkanir Seðlabankans höfðu góð áhrif á skuldabréfamarkaðinn. Góð ávöxtun var einnig á erlendum hlutabréfamörkuðum en styrking krónunnar dró þó úr ávöxtun erlendra eigna í krónum talið. Nafnávöxtun samtryggingardeildar Lífsverks fyrstu 6 mánuði ársins 2017 var 3,3% og hrein raunávöxtun, að teknu tilliti til kostnaðar, var 2,0%. 

Lesa meira

Breytingar á lánareglum - 1.9.2017

Frá 1. september verður sú breyting á lánareglum Lífsverks að hámarksveðhlutfall sjóðfélagalána verður 75% af gildandi fasteignamati viðkomandi fasteignar, eða söluvirði samkvæmt nýlegum kaupsamningi, en hámarksveðhlutfall miðast ekki við metið markaðsvirði eins og verið hefur.

Lesa meira

Um flækjur og forsjárhyggju - 9.8.2017

Skrifstofu Lífsverks hafa borist fyrirspurnir frá sjóðfélögum og launagreiðendum um  þá hækkun mótframlags í lífeyrissjóði á almennum markaði sem varð 1. júlí sl. og nýja tegund séreignar, sem nefnd er "tilgreind séreign."  Þeir sem valið hafa blandaða leið hjá sjóðnum þurfa ekki að aðhafast. Þeirra framlag umfram 10% mun áfram verða ráðstafað í séreign þeirra. Lesa meira

Iðgjald hækkar í 14% frá 1. júlí - 3.7.2017

Mótframlag launagreiðenda á almennum markaði hækkar 
1. júlí úr 8,5% í 10,0% og verða þá heildariðgjöld launþega og launagreiðenda 14,0%.

Lesa meira
Síða 1 af 3