Vaxtabreytingar 1. júlí
Frá og með 1. júlí munu vextir verðtryggðra grunnlána til sjóðfélaga með breytilegum vöxtum lækka úr 1,60% í 1,50% en vextir óverðtryggðra lána hækka úr 4,5% í 5,35%.
Stjórn Lífsverks hefur ákveðið að frá og með 1. júlí hækki vextir óverðtryggðra lána til sjóðfélaga um 0,85% og verða vextir grunnlána þá 5,35%. Vextir verðtryggðra grunnlána með breytilegum vöxtum lækka hins vegar frá sama tíma um 0,1% og verða 1,5%. Vextir viðbótarlána hækka samsvarandi. Vextir á lánum með föstum vöxtum út lánstímann verða óbreyttir.
Jafnframt ákvað stjórn að við lánveitingu hjá sjóðnum væri heimilt að miða við nýtt útgefið fasteignamat í stað gildandi fasteignamats. Lánað er fyrir allt að 70% af virði eignar samkvæmt kaupsamningi eða fasteignamati. Lánsfjárhæð grunnlána getur numið allt að 70 milljónum króna og viðbótarlána 30 milljónum króna. Fyrstu kaupendum býðst að taka allt að 85% lán hjá sjóðnum.
Lánareglur sjóðsins má nálgast hér .