Góð ávöxtun séreignarleiða á árinu 2013.
Séreignarleiðir Lífsverks hækkuðu á bilinu 4,6 til 14,3% á árinu og var jákvæð raunávöxtun á öllum leiðunum. Allar ávöxtunarleiðirnar skiluðu umtalsvert betri ávöxtun en markaðsviðmið þeirra.
Hæstu ávöxtuninni skilaði Séreignarleið 2 en góð ávöxtun var á innlendum og erlendum hlutabréfamörkuðum á árinu. Séreignarleið 1 skilaði 5,1% en nokkrar sveiflur voru á ávöxtunarkröfu og verði ríkistryggðra bréfa sem hafði áhrif á ávöxtun leiðarinnar. Séreignarleið 3 skilaði 4,6% en ávöxtun leiðarinnar er að miklu leyti háð innlánskjörum og ávöxtunarkröfu stuttra ríkistryggðra bréfa.
Eins og sjá má á 5 ára meðalnafnávöxtun þá hefur Séreignarleið 2 skilað bestu ávöxtuninni. Hátt hlutfall hlutabréfa í leiðinni er ástæða góðrar ávöxtunar en sveiflur geta verið miklar á milli ára. Hafa ber í huga að ávöxtun í fortíð gefur ekki vísbendingu um ávöxtun í framtíð.
Séreignarleið 1 fjárfestir eingöngu í innlendum skuldabréfum með áherslu á ríkistryggð bréf. Séreignarleið 2 fjárfestir í innlendum og erlendum hlutabréfum ásamt innlendum skuldabréfum. Séreignarleið 3 fjárfestir í innlánum og stuttum ríkistryggðum bréfum.
