Ísleifur ráðinn áhættustjóri Lífsverks

Ísleifur Orri Arnarson hefur verið ráðinn í starf áhættustjóra Lífsverks lífeyrissjóðs.

3.5.2021

Frá árinu 2014 var Ísleifur forstöðumaður útlánaeftirlits í áhættustýringu Arion banka en Ísleifur starfaði hjá bankanum frá árinu 2006, að mestu í áhættustýringu en einnig við endurskipulagningu lánamála. Árin 2007 – 2010 sinnti Ísleifur stundarkennslu við HR samhliða vinnu.

Ísleifur lauk meistaranámi í hagfræði árið 2006 frá Háskóla Íslands og BSc. gráðu í rafmagnsverkfræði árið 2005 frá sama skóla ásamt því að hafa lokið prófi í verðbréfaviðskiptum. Árið 2020 lauk Ísleifur burtfararprófi í húsasmíði frá Fjölbrautarskóla Vesturlands en það nám stundaði hann samhliða vinnu hjá Arion banka.

„Áhættustýring sjóðsins er mikið ábyrgðarhlutverk og er ég fullur tilhlökkunar að leggja þar hönd á plóg ásamt samstarfsmönnum mínum hjá Lífsverki lífeyrissjóði.“, segir Ísleifur.

Starfsfólk Lífsverks býður Ísleif velkominn til starfa.