Spurt og svarað
Algengar spurningar um lán.
Get ég sótt um lán hjá Lífsverki?
Virkir sjóðfélagar og lífeyrisþegar hafa lántökurétt. Við lántöku þarf sjóðfélagi að vera greiðandi og í skilum með iðgjöld, eða vera lífeyrisþegi. Til að vera virkur sjóðfélagi þarf að hafa greitt iðgjöld fyrir síðasta mánuð til sjóðsins.
Maki minn er ekki sjóðfélagi, get ég samt sótt um lán?
Já. Nóg er að annar umsækjenda sé sjóðfélagi.
Get ég fengið lán með veði í eign sem annar aðili er meðeigandi að?
Ef hinn aðilinn er maki (giftur eða staðfest sambúð) þá er það heimilt og gerð krafa um að makinn verði meðskuldari að láninu. Ef hinn aðilinn er ekki maki þá veitir sjóðurinn ekki lán með veði í þeirri eign.
Ég er nú þegar með lán frá Lífsverki, get ég sótt aftur um lán?
Engin takmörk eru á fjölda lána en það er þak á heildarlánsfjárhæð til einstaklings og para sem miðast við 140mkr að hámarki hverju sinni
Samþykkir sjóðurinn að miða við verðmöt fasteignasala?
Nei, verðmat fasteignasala er ekki samþykkt við útreikning á veðhlutfalli. Við útreikning á veðhlutfalli er miðað við kaupsamning ef verið er að fjármagna kaup á eign eða miðað við gildandi opinbert fasteignamat þegar um endurfjármagnanir er að ræða.
Hvað er sjóðurinn lengi að afgreiða lánsumsóknir?
Tekur venjulega 2-3 vikur þar til skuldabréf er tilbúið en svo þarf að hafa í huga að lán er greitt út eftir þinglýsingu og getur það tekið mislangan tíma eftir því hvað sýslumaður er lengi að þinglýsa.
Hvernig greiði ég inná lán?
Fyrir viðskiptavini Íslandsbanka:
- Stakar umframgreiðslur
Ef lántakar eru í viðskiptum við Íslandsbanka (með aðgengi að heimabanka/appi Íslandsbanka) geta þeir framkvæmt stakar umframgreiðslur á lán í gegnum netbanka og/eða app. Viðkomandi lán er valið og þá opnast fyrir valmöguleikann „Innborgun“ - Umframgreiðslur í áskrift (Reglubundnar umframgreiðslur, t.d. mánaðarlega)
Umframgreiðsla skuldfærð mánaðarlega af reikning viðskiptavinar hjá Íslandsbanka svo framarlega sem innstæða sé fyrir millifærslu.- Skrá þarf lántaka sérstaklega í þetta úrræði með því að senda beiðni til okkar/Íslandsbanka (innheimtubref@islandsbanki.is).
- Gjalddagi umframgreiðslu þarf að vera a.m.k. tveimur dögum eftir gjalddaga láns.
- Hafa þarf samband við okkur/Íslandsbanka til að hætta í áskrift.
Fyrir viðskiptavini annarra banka:
- Stakar umframgreiðslur
Hafa samband við okkur/Íslandsbanka (innheimtubref@islandsbanki.is og óska eftir að stofnuð verði krafa í netbanka fyrir umframgreiðslu og tilgreina fjárhæð. - Umframgreiðslur í áskrift (Reglubundnar umframgreiðslur, t.d. mánaðarlega)
Stofnast valkvæð krafa fyrir umframgreiðslur sem er greidd í heimabanka viðkomandi, sambærilegt og fyrir hefðbundna gjalddaga lána. Krafan lifir í 10 daga, ef hún er ekki greidd innan þess tíma fellur hún niður. Til að virkja þarf að hafa samband við okkur/Íslandsbanka (innheimtubref@islandsbanki.is og óska eftir að stofnuð verði mánaðarleg krafa í netbanka fyrir umframgreiðslu og tilgreina fjárhæð.
Er uppgreiðslugjald á lánunum?
Nei, hægt er að greiða aukalega inná lánið eða greiða það alveg upp án auka kostnaðar.
Hvernig sæki ég um lán og hvaða gögn þurfa að fylgja umsókn?
Sjá upplýsingar um umsóknarferlið og lista yfir nauðsynleg fylgigögn hér:
Hvernig sæki ég um veðleyfi?
Sjá upplýsingar um ferlið og þau gögn sem þurfa að fylgja hér:
Ég þarf að flytja lánið á aðra eign, hvernig fer það fram?
Sjá upplýsingar um ferlið og þau gögn sem þurfa að fylgja hér:
Tekur sjóðurinn leigutekjur með í greiðslumat?
Nei, leigutekjur eru ekki teknar með í greiðslumat hjá sjóðnum
Ég bý erlendis, get ég sótt um lán?
Sjóðurinn veitir ekki lán tengd erlendum gjaldmiðlum og tekur ekki mið af erlendum tekjum í greiðslumati. Umsækjendur verða að hafa lögheimili á Íslandi og tekjur í íslenskum krónum. Þeir sem hyggjast flytja til landsins og eru komnir með samþykkt kauptilboð og undirritaðan ráðningasamning með laun í íslenskum krónum geta sótt um lán..
Ég er með tekjur í erlendri mynt, get ég sótt um lán?
Sjóðurinn veitir ekki lán tengd erlendum gjaldmiðlum og tekur því ekki mið af erlendum tekjum í greiðslumati.