Sigrún Eyjólfsdóttir ráðin markaðs- og kynningarstjóri
Sigrún Eyjólfsdóttir hefur verið ráðin markaðs- og kynningarstjóri hjá Lífsverki lífeyrissjóði.
Sigrún mun sinna fjölbreyttum verkefnum á sviði markaðs- og kynningarmála ásamt starfi persónuverndarfulltrúa.
Sigrún hefur víðtæka reynslu úr atvinnulífinu og starfaði lengst af í fjármálageiranum, hjá Straumi-Burðarási, Skilanefnd Kaupþings, MP banka og Kviku banka, meðal annars á sviði markaðs- og mannauðsmála. Þá hefur Sigrún starfað undanfarin ár í ferðaiðnaðinum við markaðs- og kynningarmál.
Sigrún er með MS gráðu í mannauðsstjórnun frá Háskóla Íslands og lauk grunnnámi í spænsku og sagnfræði frá sama skóla.
Hún hefur þegar tekið til starfa.