Frábær ávöxtun séreignarleiða 2019
Séreignarleiðir Lífsverks skiluðu frábærri ávöxtun á árinu 2019, enda einkenndist árið af mikilli hækkun á helstu eignamörkuðum, innanlands sem utan. Lífsverk 1 skilaði 12,9% raunávöxtun á árinu.
Séreignarleiðir Lífsverks skiluðu frábærri ávöxtun á árinu 2019, enda einkenndist árið af mikilli hækkun á helstu eignamörkuðum, innanlands sem utan. Lífsverk 1 skilaði t.d. 12,9% raunávöxtun á árinu.
Nafnávöxtun Lífsverks 1 var 15,9% á árinu, Lífsverk 2, sem er stærsta og fjölmennasta leiðin, skilaði 12,8% nafnávöxtun og Lífsverk 3, sem samanstendur einkum af innlánum og styttri skuldabréfum, gaf 5,4% nafnávöxtun. Hrein raunávöxtun leiðanna er 12,9%, 9,9% og 2,7%.
Síðastliðin 5 ár er söguleg hrein raunávöxtun Lífsverks 1 að meðaltali 4,9% á ári, 5 ára hrein raunávöxtun Lífsverks 2 er 4,8% og Lífsverk 3 hefur skilað 2,3% hreinni raunávöxtun.
Séreignarleiðir Lífsverks eru gerðar upp miðað við markaðskröfu en uppgjör samtryggingardeildar, sem miðast að hluta til við kaupkröfu skuldabréfa, liggur ekki fyrir. Lífsverk hefur stækkað hratt á undanförnum árum. Samanlagðar eignir samtryggingar- og séreignardeilda Lífsverks fóru yfir 100 milljarða markið síðastliðið sumar en voru til samanburðar 51,3 milljarðar í lok árs 2013. Eignir sjóðsins hafa því nærfellt tvöfaldast á síðustu 6 árum.